شحن مجاني للطلبات بدءاً من 999 جنية
دليل قطوسة لمعرفة الخامة من أول لمسة! مع التجربة!
إزاي ممكن تشتري سويت شيرت أونلاين وتبقى ضامن إن الخامة اللي واصلة لك قطن طبيعي مش بوليستر مضروب، والخامة مش هتوبر منك؟ 🤔 دي مشكلة ناس كتير بتقابلها، عشان كده براند قطوسة حلتلك المعضلة بشكل ذكي.
مع كل سويت شيرت من قطوسة، هنبعتلك قطعتين قماش: واحدة من خامة القطن اللي مصنوع منها السويت شيرت بتاعنا ( ودي بتكون من زوائد القص في عملية التصنيع )، وقطعة بوليستر عشان تقدر تعمل التجارب اللي من خلالها هتعرف الفرق بين القطن والبوليستر. 🔥
يلا نعمل التجربة !!
لو لسه مش فاهم الفرق بين القطن والبوليستر، اقرأ شوية المعلومات البسيطة دي قبل أو بعد التجربة: —-، نرجع للتجربة المجنونة دي.
بس الأول، هنقولك ليه في قطوُسة اخترنا الطريقة النهائية عشان نميز الخامات وهي: النار. 🔥
في تجارب كتير ممكن تعملها عشان تفرق بين القطن والبوليستر، زي الكرمشة أو الحكة، الخ…
والبوليستر غالبًا بينجح فيها. لكن احنا في قطوسة قولنا: ليه نضيع وقت؟ يلا نولع فيهم ونشوف الحقيقة بنفسنا.
وعشان منحبش حد يجرب على السويت شيرت اللي لسه شاريه، هنخليك تلعب في العينات اللي معاك؛ مستعد؟ يلا بينااا!😎🔥
1. أدوات ومكان التجربة
🛑 أول حاجة السلامة أولًا: 🛑 علذان كدا ممكن تروح على مكان آمن زي حوض الحمام. وابعد عن أي حاجة ممكن تولع؛ زي الستائر أو الفرش؛ ولو سنك صغير، أكيد لازم حد كبير يكون جنبك.
أدوات التجربة:
- ولاعة (ايوة، احنا هنلعب بالنار)
- جهز عيناتك (القطن والبوليستر)
2. يلا نولعها! 🔥
دلوقتي نبدأ الجد؛ افتح عينات القماش وركز!
1. القطن
لما تولع في القطعة القطن، هتلاقيها بتتحرق ببطء شديد، وبيدي ريحة شبه الورق أو الشعر وهو بيتحرق؛ وبعد ما تطفيها، هتلاقي الرماد ناعم كده زي بودرة. جرب تشد مكان الولعة، هتلاقي القماش بيتفرفت بكل سهولة. ✨
2. البوليستر
البوليستر؟ ده موضوع تاني! 😅 لما تولع فيه، هتلاقيه بيسيح بسرعة كأنه بلاستيك، والريحة هتكون كيميائية وملزقة شوية؛ وبعد ما تبرد العينة شوية (خلى بالك تتلسع 😂)، شد الخامة، هتلاقيها اتكلكعت زي البلاستيك المتسيح. 🌡️
ودلوقتي بقى عندك علم أكيد؛ وعرفت تفرق بين القطن والبوليستر عن طريق النار. عشان كده؛ لما تجيب سويت شيرت وتلاقيه بيوبر من أول غسلة، اعرف إنه مصنوع من ألياف صناعية رخيصة زي البوليستر، ومع الوقت مصيره الوبرة.
لو لسه مشوفتش الفرق بين القطن والبوليستر يلا دوس هنا واعرف بعض المعلومات دي
[…] و لو عايز تعرف تفرق بين القطن والبوليستر ازاي، فا عندك طريقتين، الاولى وهي انك تولع في الخامة وتعرف الفرق بينهم بنفسك لما تشوف الالياف الصناعية، ( مع كل سويت شيرت من قطوُسة بنوفرلك عينة تعمل علية التجربة بنفسك ) دوس هنا: دليل قطوسة لمعرفة الخامة من أول لمسة! مع التجربة! […]