شحن مجاني للطلبات بدءاً من 999 جنية
دليل قطوُسة لمعرفة الفرق بين القطن والبوليستر
في المقال ده، هنتكلم ببساطة عن الفرق بين القطن والبوليستر في السويت شيرت (الهودي) وإمتى تشتري قطن أو بوليستر، ومميزات وعيوب كل واحد.
أول حاجة، أكيد لاحظت إن فيه تفاوت كبير في أسعار السويت شيرتات، وده بيرجع أساسًا لنوعية الخامة المستخدمة في التصنيع. سعر الخامة بيلعب دور كبير في تحديد تكلفة المنتج النهائي، وده بيأثر على السعر اللي بتشوفه في السوق. يعني لما تلاقي فرق 300 – 500 جنيه بين سويت شيرت والتاني، لازم تشك إنهم مش مصنوعين من نفس الخامة؛ طبعًا باستثناء حالات المبالغة في الأسعار.
طيب ليه ما نشتريش الأرخص طالما هيقضي نفس الغرض؟ 🤔
للأسف، السويت شيرتات المصنوعة من البوليستر، أو زي ما بنسميها “الأسپن” أو “البلوش”، بتكون مصنعة من ألياف صناعية. ودي مشكلتها الأولى إنها بتوبر ممكن مع اول غسلة، او ساعات بتكون معالجة شوية وبتوبر بعد 4 او 6 غسلات؛ وده بيأثر على شكل السويت شيرت طبعًا ومش بتعرف تلبسة وهو موبر.
وكمان، عشان يقللوا التكلفة في التصنيع، المصانع بتشتغل بخيوط جودتها قليلة وخط انتاج ضعيف، وده بيسبب مشاكل في التفصيل؛ ممكن السويت شيرت يفك بسرعة أو شكل التفصيل نفسه يكون سيء.
وأخيرًا، في مشكلة الانكماش وتغير لون الخامة؛ وده بيحصل بسبب إن الخامات الصناعية ما بتمرش بعمليات تجهيز عالية الجودة قبل التصنيع، وده بيوفر فلوس بس بيخلق مشاكل زي الانكماش أو إن اللون يبهت بعد وقت قصير.
مميزات وعيوب القطن
القطن بشكل عام هو ملك الخامات في عالم التصنيع، والاختيار الأول لأي حد بيدور على الجودة والقيمة. وده لأنه خامة طبيعية وصديقة للبيئة؛ وبيوفر راحة وعناية خاصة.
مميزات القطن:
- بيعيش معاك للأبد: القطن مش بيعمل وبر؛ لأ دا بيفضل معاك لفترة طويلة جدًا من غير ما يتأثر.
- ناعم على البشرة: القطن ناعم بطبيعته، ومش بيسبب أي تهيجات أو حساسية. فلو بتدور على راحة ونعومة طول اليوم؛ يبقى مفيش أحسن من القطن!
- بيتنفس! القطن بيسمح للجلد إنه يتنفس بحرية، وده بيخليه مثالي للملابس اللي بتلبسها يوميًا.
- معروف بقدرته على امتصاص العرق بسرعة، وده بيحافظ على انتعاش الجسم.
- رفيق لكل المواسم: سواء كان صيف أو شتاء، القطن بيوازن درجة الحرارة؛ بيدفيك في البرد وبيبردك في الحر.😎
عيوب القطن:
- الكرمشة السريعة: زي ما القطن مميز في حاجات كتير، لكنه بيتكرمش بسرعة، فدايمًا هتحتاج تكويه قبل ما تخرج، خصوصًا لو كان مطبق في الدولاب مش متعلق على شماعة.
- بياخد وقت في التنشيف: القطن بيحب المياه؛ وبيشربها كتير وده بيخليه ياخد وقت أطول عشان ينشف بعد الغسيل.
- سعرة غالى مقارنة بالخامات الرديئة زي البوليستر.
في النهاية، رغم العيوب البسيطة دي، القطن بيظل خامة لا غنى عنها؛ وبيعطيك راحة ما تقدرش تستغنى عنها في لبسك اليومي.
مميزات وعيوب البوليستر
البوليستر خامة صناعية بتتصنع من ألياف بلاستيكية، وده بيخليها اقل جودة وطبعا اكثر عرضة للوبر مع اول غسلة، ودا مش بيمنع ان في بعض المميزات اللي هتقابلك في خامة البوليستر.
مميزات البوليستر
- مقاوم للتجاعيد: لو مش بتحب المكواة، البوليستر مش بيتكرمش بسهولة.
- سريع الجفاف: البوليستر بيطرد المياه بسرعة وده بيخليه ممتاز للملابس الرياضية أو لو محتاج لبسك ينشف بسرعة.
عيوب البوليستر
- غير مريح زي القطن: البوليستر بيكون جامد شوية على الجسم، ومش بيمنح النعومة اللي بيقدمها القطن الطبيعي.
- البوليستر عرضة للوبرة مع اول غسلة باستثناء الخامات المعالجة للوبرة ال ممكن تتحمل لحد 6 غسلات وتوبر
- ممكن يعمل ريحة وحشة: عشان البوليستر مش بيمتص العرق، ممكن يحبس الريحة جوه اللبس؛ وده بيخلي التجربة مش لطيفة بعد وقت طويل.
- مش بيسمح للجلد بالتنفس: البوليستر بيحتفظ بالحرارة ومش بيسمح للهواء يدخل، وده بيخلي اللي بيلبسه يحس بالعرق والحر بسرعة.
- مش مناسب لأصحاب البشرة الحساسة: البوليستر ممكن يسبب تهيج للبشرة، خصوصًا لو حد عنده حساسية أو بشرة حساسة.
امتي اشتري قطن وامتي اشتري بوليسترس؟!
إمتى تشتري قطن؟ 🌿
- لو محتاج حاجة تدوم معاك العمر ( غسيل ولبس )
- لو بتدور على الراحة: القطن هو الخيار المثالي لو عايز لبس مريح وناعم على بشرتك، خصوصًا لو بتعاني من حساسية أو تهيج في الجلد؛ كمان بيسمح لبشرتك إنها تتنفس طول اليوم.
- طبعًا لو بتدور على حاجة مش بتوبر
- في الجو البرد او الحر بيدفي في الشتا وبيرطب في الحر، القطن بيطبطب عليك.
- لو بتشتري لبس للاستخدام اليومي: السويت شيرتات أو التيشرتات القطنية بتكون مريحة جدًا للاستخدام اليومي، سواء في البيت أو الشغل.
- لأصحاب البيئة: القطن خامة طبيعية وقابلة للتحلل، فلو بتحب تشتري منتجات صديقة للبيئة وتساهم في الحفاظ على الطبيعة، القطن هو اختيارك.
إمتى تشتري بوليستر؟ 🤖
ببساطة فهو هدفة الاساسي في الرياضة أو النشاطات البدنية: البوليستر بيطرد المياه بسرعة وما بيتمسكش العرق، وده بيخليه مناسب أكتر للملابس الرياضية أو لو هتستخدمه في أنشطة بدنية.
بس مؤخرًا بيتم استخدامة في تصنيع الملابس اليومية عشان يوفروا سعر قليل للمستهلك.
ليه القطن دايمًا هو الأفضل؟ 💪
القطن هو الخامة اللي ما تتعوضش؛👑 مهما زاد عدد الخامات الصناعية زي البوليستر، القطن دايمًا هيفضل هو الاختيار اللي بيدي راحة واستدامة حقيقية.
فهو ناعم على البشرة، بيسمح للجلد بالتنفس، وبيعيش لفترة طويلة من غير ما يفقد جودته.
القطن هو الحليف الأمثل للي بيدور على الجودة والراحة الطبيعية؛ تقدر تعتمد عليه في كل المواسم، سواء كان حر ولا برد، هتلاقيه بيظبط لك حرارتك.
ولو عايز تعرف تفرق بين القطن والبوليستر ازاي، فعندك طريقتين، الأولى وهي انك تولع في الخامة وتعرف الفرق بينهم بنفسك لما تشوف الألياف الصناعية، ( مع كل سويت شيرت من قطوُسة بنوفرلك عينة تعمل علية التجربة بنفسك ) دوس هنا: دليل قطوسة لمعرفة الخامة من أول لمسة! مع التجربة!
الطريقة التانية تشوف دليل قطوُسة للتفرقة بين القطن والبوليستر بدون الولعة, دوس هنا :
